Maxfiylik siyosati

1. To'planadigan ma'lumotlar

Hisob ma'lumotlari: ism, email, telefon raqami va parol (shifrlangan holda saqlanadi).

Foydalanish ma'lumotlari: tanlangan turlar, sayohat rejalari, wishlist va bron tarixi.

Texnik ma'lumotlar: qurilma turi, ilova versiyasi va xatoliklar haqida texnik loglar.

2. Ma'lumotlardan foydalanish

Xizmatni taqdim etish, bronlarni rasmiylashtirish va sizga mos sayohat tavsiyalarini berish uchun.

Xavfsizlik, firibgarlikning oldini olish va qonuniy talablarga rioya qilish uchun.

Sizning roziligingiz bilan xizmat yangiliklari va takliflar yuborish uchun.

3. Ma'lumotlarni ulashish

Biz sizning ma'lumotlaringizni uchinchi shaxslarga sotmaymiz. Bron qilganingizda kerakli ma'lumotlar faqat tegishli tasdiqlangan turagentligiga uzatiladi.

4. To'lov ma'lumotlari

To'lovlar O'zbekiston Respublikasida litsenziyalangan to'lov tizimlari (CLICK, Payme) orqali amalga oshiriladi.

Karta raqami, amal qilish muddati va CVV kodi kabi to'lov ma'lumotlari to'lov tizimining o'z himoyalangan sahifasida kiritiladi. Biz bu ma'lumotlarni ko'rmaymiz, olmaymiz va saqlamaymiz.

Bizning tizimda faqat to'lov fakti saqlanadi: summa, sana, buyurtma raqami, tanlangan tarif va to'lov holati — bu buxgalteriya hisobi va obunani faollashtirish uchun zarur.

Agentlik obunasi bo'yicha to'lov va pul qaytarish shartlari ommaviy ofertada (travelorai.com/offer) belgilangan.

5. Ijtimoiy tarmoq ulanishlari (Instagram, Telegram)

Agentliklar mijozlar bilan yozishish uchun o'z Instagram biznes akkauntini yoki Telegram botini CRM'ga ulashi mumkin. Bu ulanish ixtiyoriy va uni istalgan vaqtda uzish mumkin.

Ulangan holatda biz quyidagilarni saqlaymiz: akkaunt identifikatori va nomi, kirish tokeni (shifrlangan), hamda o'sha akkauntga kelgan xabarlar matni va yuboruvchining ko'rsatilgan nomi. Bu xabarlar agentlikning CRM'ida lid sifatida ko'rinadi va faqat o'sha agentlikka ochiq bo'ladi.

Biz ijtimoiy tarmoq parolingizni, obunachilar ro'yxatingizni yoki postlaringiz statistikasini olmaymiz. Xabarlarni reklama maqsadida ishlatmaymiz va uchinchi shaxslarga bermaymiz.

Ulanish uzilganda kirish tokeni darhol o'chiriladi.

6. Ma'lumotlar xavfsizligi

Parollar shifrlanadi, ulanishlar HTTPS orqali himoyalanadi va ma'lumotlarga kirish cheklangan.

Ma'lumotlar himoyalangan serverlarda saqlanadi va muntazam zaxira nusxalanadi.

7. Sizning huquqlaringiz

Siz istalgan vaqtda ma'lumotlaringizni ko'rish, tahrirlash yoki hisobingizni butunlay o'chirish huquqiga egasiz.

O'chirishning bosqichma-bosqich yo'riqnomasi — ma'lumotlarni o'chirish sahifasida. Savollar bo'lsa traveloraai@gmail.com manziliga yozing.

8. Aloqa

Maxfiylik bo'yicha savollaringiz bo'lsa: +998 97 790 77 62 · traveloraai@gmail.com